തിരുവനന്തപുരം: വാഹനങ്ങളില്‍ അനുവദനീയമായ ഗ്രാഫിക്‌സും സ്റ്റിക്കറുകളും ഒട്ടിക്കാമെന്ന് ജോയിന്റ് ട്രാന്‍സ്‌പോര്‍ട്ട് കമ്മീഷണര്‍. ഏഷ്യാനെറ്റ് ന്യൂസിനോടാണ് പ്രതികരിച്ചത്.
അനുവദനീയ അളവിലുള്ള അലോയ് വീലുകള്‍ ഉപയോഗിക്കാന്‍ തടസ്സമില്ല. വാഹനത്തിന്റെ അടിസ്ഥാന സ്വഭാവത്തെ ഇല്ലാതാക്കുന്ന മാറ്റങ്ങള്‍ അനുവദിക്കാനാവില്ല. എയര്‍ഭാഗ് പ്രവര്‍ത്തിക്കാന്‍ കഴിയാത്ത തരത്തിലുള്ള എക്‌സ്ട്രാ ഫിറ്റിങ്ങുകളും പാടില്ലെന്നും ജോയിന്റ് ട്രാന്‍സ്‌പോര്‍ട്ട് കമ്മീഷണര്‍ പറഞ്ഞു.
വാഹനങ്ങളില്‍ അനുവദനീയമായ ഗ്രാഫിക്‌സും സ്റ്റിക്കറുകളും ഒട്ടിക്കാം. ഗ്ലാസ്സിനു മേല്‍ ഒരു തരത്തിലുള്ള സ്റ്റിക്കറുകളും അനുവദിക്കില്ലെന്നും ജോയിന്റ് ട്രാന്‍സ്‌പോര്‍ട്ട് കമ്മീഷണര്‍ പറഞ്ഞു.
റോഡുകളില്‍ സ്റ്റിക്കറുടെയും അലോയ് വീലിന്റെയും പേരില്‍ വ്യാപക പിഴയീടാക്കുന്നുവെന്ന് പരാതി ഉയര്‍ന്നിരുന്നത്. ഇതിനെ തുടര്‍ന്നാണ് ജോയിന്റ് ട്രാന്‍സ്‌പോര്‍ട്ട് കമ്മീഷണറുടെ വിശദീകരണം.
COMMENTS